Kún 47 gradýsqa deıin ysıdy: Qazgıdromet eskertý jasady
ASTANA. KAZINFORM – «Qazgıdromet» RMK-sy 17 shildeniń kún raıyna baılanysty eskertý jarııalady. Elimizdiń 15 óńirinde naızaǵaı oınap, burshaq jaýyp, shańdy daýyl turady jáne 47 gradýsqa deıin ystyq bolady.
Atyraý oblysynyń batysynda, soltústiginde jáne ońtústiginde jańbyr jaýyp, naızaǵaı oınaıdy, kúndiz burshaq túsýi múmkin. Jeldiń ekpini 15–20 m/s-qa deıin kúsheıedi. Kúndiz aýa temperatýrasy +35 gradýsqa deıin kóteriledi. Oblystyń ońtústik-shyǵysy men soltústik-shyǵysynda joǵary, soltústik-batysynda tótenshe órt qaýpi saqtalady. Atyraý qalasynda kúndiz jańbyr, naızaǵaı bolyp, jel ekpini 18 m/s-qa deıin jetedi.
Shyǵys Qazaqstan oblysynyń túnde soltústik jáne shyǵys bóliginde nóser jańbyr jaýyp, naızaǵaı oınaıdy. Kúndiz jańbyr, naızaǵaı, burshaq jáne daýyl bolady. Jeldiń ekpini 23–28 m/s-qa deıin kúsheıedi. Aýa temperatýrasy +35…+38 gradýsqa deıin kóteriledi. Óńirde joǵary jáne tótenshe órt qaýpi saqtalady. Óskemende jańbyr, naızaǵaı, kúndiz burshaq, daýyl bolyp, aptap ystyq +35 gradýsqa deıin jetedi.
Abaı oblysynyń batysynda, soltústiginde jáne ortalyǵynda jańbyr jaýyp, naızaǵaı bolady. Kúndiz ońtústiginde, shyǵysynda jáne ortalyǵynda jańbyr, naızaǵaı, burshaq jáne daýyl kútiledi. Jeldiń ekpini 23–28 m/s-qa deıin jetedi. Aýa temperatýrasy +35…+38 gradýs bolady. Semeıde túnde jáne tańerteń jańbyr jaýyp, naızaǵaı oınaıdy, kúndiz +37 gradýsqa deıin ystyq bolady.
Qyzylorda oblysynyń soltústiginde kúndiz jańbyr jaýyp, naızaǵaı bolady, oblys ortalyǵynda shańdy daýyl kóteriledi. Jeldiń ekpini 15–20 m/s-qa deıin kúsheıedi. Óńirde tótenshe órt qaýpi saqtalady. Qyzylorda qalasynda aýa temperatýrasy +45…+47 gradýsqa deıin kóteriledi.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı bolady, kúndiz burshaq pen daýyl kútiledi. Túnde jáne tańerteń keı jerlerde tuman túsedi. Jeldiń ekpini 15–20 m/s-qa deıin kúsheıedi. Oblystyń ońtústiginde aýa temperatýrasy +37 gradýsqa deıin kóteriledi. Joǵary jáne tótenshe órt qaýpi saqtalady.
Soltústik Qazaqstan oblysynda kúndiz jańbyr jaýyp, naızaǵaı, burshaq bolady, ońtústiginde daýyl kútiledi. Keı jerlerde jeldiń ekpini 23 m/s-qa deıin kúsheıedi. Túnde jáne tańerteń oblystyń batysy men soltústiginde tuman túsedi. Petropavlda kúndiz jańbyr jaýyp, naızaǵaı oınap, burshaq túsýi múmkin.
Batys Qazaqstan oblysynda túnde oblystyń batysy men soltústiginde jańbyr jaýyp, naızaǵaı bolady. Kúndiz jańbyr, naızaǵaı, burshaq jáne daýyl kútiledi. Jeldiń ekpini 15–20 m/s-qa deıin jetedi. Oralda da jańbyr, naızaǵaı, kúndiz burshaq pen daýyl boljanyp otyr.
Jetisý oblysynda shyǵysynda soltústik-batystan soǵatyn jeldiń ekpini 15–20 m/s-qa deıin kúsheıedi. Oblysta joǵary, al soltústiginde, ońtústiginde jáne shyǵysynda tótenshe órt qaýpi saqtalady.
Qaraǵandy oblysynyń soltústigi men shyǵysynda túnde azdaǵan jańbyr jaýyp, naızaǵaı bolady. Jeldiń ekpini 15–20 m/s-qa deıin kúsheıedi. Oblystyń ońtústigi men shyǵysynda joǵary, batysy men soltústiginde tótenshe órt qaýpi saqtalady.
Almaty oblysynda kúndiz aptap ystyq +35…+39 gradýsqa deıin jetedi, ońtústiginde +42 gradýsqa deıin kóteriledi. Oblystyń soltústiginde tótenshe, qalǵan aýmaǵynda joǵary órt qaýpi saqtalady. Almaty qalasynda aýa temperatýrasy +40…+42 gradýsqa deıin kóteriledi.
Mańǵystaý oblysynyń batysynda, soltústiginde jáne ortalyǵynda jańbyr jaýyp, naızaǵaı bolady. Jeldiń ekpini 15–20 m/s-qa deıin kúsheıedi. Óńirde joǵary órt qaýpi saqtalady. Aqtaýda túnde jáne tańerteń jańbyr jaýyp, naızaǵaı bolady.
Aqmola oblysynyń batysynda jáne soltústiginde kúndiz jańbyr jaýyp, naızaǵaı oınap, burshaq túsýi múmkin. Jeldiń ekpini 15–20 m/s-qa deıin kúsheıedi. Aýa temperatýrasy +35 gradýsqa deıin kóteriledi. Óńirde joǵary órt qaýpi saqtalady.
Pavlodar oblysynyń soltústigi men batysynda jańbyr jaýyp, naızaǵaı bolady, kúndiz burshaq kútiledi. Jeldiń ekpini 15–20 m/s-qa deıin kúsheıedi. Kúndiz aýa temperatýrasy +35…+37 gradýsqa deıin kóteriledi. Oblysta joǵary, ońtústik-shyǵysynda tótenshe órt qaýpi saqtalady.
Jambyl oblysynyń taýly aýdandarynda kúndiz soltústik-batystan soǵatyn jeldiń ekpini 15–20 m/s bolady. Oblysta joǵary jáne tótenshe órt qaýpi saqtalady. Tarazda kúndiz aýa temperatýrasy +40…+42 gradýsqa deıin kóteriledi.
Aqtóbe oblysynyń batysynda, soltústiginde jáne shyǵysynda jańbyr jaýyp, naızaǵaı bolady, kúndiz burshaq kútiledi. Keı jerlerde jeldiń ekpini 23 m/s-qa deıin jetedi. Oblystyń ońtústigi men shyǵysynda aýa temperatýrasy +37 gradýsqa deıin kóteriledi. Óńirde joǵary jáne tótenshe órt qaýpi saqtalady. Aqtóbede aragidik jańbyr jaýyp, naızaǵaı oınap, burshaq túsýi múmkin.
Osyǵan deıin Qytaıdyń aptap ystyqpen «jasandy jańbyr» arqyly kúresip jatqany týraly jazdyq.
