Kún 36 gradýsqa deıin ysıdy: Qazgıdromet aýa raıyna baılanysty eskertý jarııalady
ASTANA. KAZINFORM — Qazgıdromet 4 maýsymǵa jasalǵan kún raıy bolmajyna baılanysty elimizdiń 16 oblysy men Astana qalasynda eskertý jarııalady.
Astanada kúndiz ótkinshi jańbyr jaýyp, naızaǵaı oınaıdy.
Abaı oblysynyń batysynda, soltústiginde jáne ońtústiginde jańbyr jaýyp, naızaǵaı bolady. Keı jerlerinde jel ekpini sekýndyna 15-20 metrge deıin kúsheıedi. Kúndiz aýa temperatýrasy 35 gradýsqa deıin kóteriledi. Óńirde joǵary órt qaýpi saqtalady. Keı aýdandarda tótenshe órt qaýpi kútiledi.
Aqmola oblysynda jańbyr, naızaǵaı, burshaq jáne ekpindi jel boljanyp otyr.
Aqtóbe oblysynyń batysynda, soltústiginde jáne ortalyǵynda nóser jańbyr jaýady. Keı jerlerde burshaq túsip, daýyl turady.
Almaty oblysynyń taýly jáne taý bókterindegi aýdandarynda jańbyr jaýyp, naızaǵaı oınaıdy.
Atyraý oblysynyń soltústiginde, shyǵysynda jáne ońtústiginde jańbyr jaýyp, naızaǵaı oınaıdy.
Shyǵys Qazaqstan oblysynyń shyǵysy men ońtústiginde ótkinshi jańbyr jaýady.
Jetisý oblysynyń soltústiginde kúndiz aptap ystyq bolyp, aýa temperatýrasy 36 gradýsqa deıin jetedi. Birqatar aýdanda tótenshe órt qaýpi saqtalady.
Batys Qazaqstan oblysynyń shyǵysynda jáne ońtústik-shyǵysynda jańbyr, naızaǵaı, burshaq jáne daýyl kútiledi.
Qaraǵandy oblysynyń soltústiginde ótkinshi jańbyr jaýady. Oblystyń shyǵysy men ońtústiginde naızaǵaıly jańbyr bolady.
Qostanaı oblysynda jańbyr jaýyp, keı jerlerde burshaq pen daýyl bolady. Jeldiń ekpini sekýndyna 28 metrge deıin jetýi múmkin.
Qyzylorda oblysynyń soltústiginde jańbyr jaýyp, naızaǵaı oınaıdy. Óńirdiń keı bóliginde shańdy daýyl turady.
Mańǵystaý oblysynyń soltústik-batysy men soltústik-shyǵysynda jańbyr men naızaǵaı oınaıdy. Kúndiz keı aýdandarda shańdy daýyl turady.
Pavlodar oblysynyń batysy men ońtústiginde jańbyr jaýyp, naızaǵaı oınaıdy. Kúndiz aýa temperatýrasy 35 gradýsqa deıin kóteriledi.
Soltústik Qazaqstan oblysynda jańbyr, naızaǵaı, burshaq jáne daýyl bolady. Keı aýdandarda jeldiń ekpini sekýndyna 28 metrge deıin kúsheıedi.
Túrkistan oblysynyń taýly aýdandarynda jańbyr jaýyp, naızaǵaı oınaıdy.
Ulytaý oblysynyń batysynda, soltústiginde jáne ortalyǵynda jańbyr, naızaǵaı jáne daýyl boljanyp otyr. Sınoptıkterdiń málimetinshe, elimizdiń birqatar óńirinde joǵary jáne tótenshe órt qaýpi saqtalady.
Aıta keteıik, osyǵan deıin habarlaǵanamyzdaı, túrkistandyq fermerler qaýynnyń búlinýin jasandy jańbyrdan kórip otyr.
