Kún 20 gradýsqa deıin jylynady

ASTANA. KAZINFORM — Aldaǵy kúnderi Qazaqstan Respýblıkasynyń basym bóliginde kúndiz aýa temperatýrasy odan ári kóteriledi. 

Alaıda eldiń soltústiginde jáne ońtústiktiń taýly aımaqtarynda aýa raıy turaqsyz bolady.

Atmosferalyq fronttardyń ótýine baılanysty jaýyn-shashyndy (jańbyr, qar), kóktaıǵaq bolyp, jel kúsheıedi. Respýblıka boıynsha tuman bolýy yqtımal.

Kúndiz aýa temperatýrasy batys óńirlerde +10…+15°S-qa deıin, ońtústikte +15…+20°S-qa deıin kóteriledi. Al soltústik pen shyǵys óńirlerde +3…+8°S shamasynda bolady. 

Aıta ketelik búgin Almaty, Astana men taǵy 6 qalada aýa sapasy nasharlaıdy.