«Kúmis jas»: jumys berýshi bıýdjet qarjysyn qaıtarýǵa májbúr boldy

ASTANA. KAZINFORM – Shyǵys Qazaqstan oblysynyń Altaı aýdanynda «Kúmis jas» jobasyn iske asyrý kezinde zańbuzýshylyqtar anyqtaldy. Jumys berýshi qyzmetkerlerdiń jumysqa naqty qatysýy týraly burmalanǵan málimetter usynyp, sonyń negizinde bıýdjetten shamamen 4,6 mln teńge sýbsıdııa alǵan.

qujat
Foto: Pexels

Shyǵys Qazaqstan oblystyq prokýratýrasynyń habarlaýynsha, aýdan prokýratýrasy júrgizgen taldaý barysynda 50 jastan asqan azamattardy jumyspen qamtýǵa baǵyttalǵan memlekettik jobany iske asyrý kezinde zańnama talaptarynyń saqtalmaǵanyn anyqtady.

Baǵdarlama aıasynda jumys berýshilerge qatysýshylardyń jalaqysynyń 60-tan 70 paıyzǵa deıingi bóligi bıýdjet esebinen sýbsıdııalanady. Sýbsıdııa mólsheri baǵdarlamaǵa qatysý merzimine baılanysty belgilenedi.

Taldaý kezinde keıbir qyzmetkerlerdiń jumys oryndarynda bolmaǵany, tipti aýdan aýmaǵynan tys jerlerge ketkeni anyqtalǵan. Soǵan qaramastan, jumys ýaqytyn esepke alý tabelderinde olardyń tolyq jumys kúni men saǵaty kórsetilgen.

Osylaısha, qyzmetkerlerdiń eńbek mindetterin kórsetilgen kólemde naqty oryndaǵany rastalmasa da, jumys berýshige memlekettik sýbsıdııalar aýdarylǵan.

Prokýrorlyq qadaǵalaý aktisinen keıin tólengen sýbsıdııalar qaıta eseptelip, bıýdjet qarajatynyń 4,6 mln teńgege jýyq somasy memleket kirisine tolyq qaıtaryldy.

Osyǵan deıi Jetisýda 1147 fermerdiń quqyǵy qorǵalyp, prokýratýra 68 mln teńgeni qaıtarǵany týraly jazdyq.