«Kúmis jas» jobasy aıasynda Skills Enbek platformasynda 2 myńnan astam adam oqydy
«Kúmis jas» jobasy aıasynda 50 jastan asqan qazaqstandyqtar odan ári jumysqa ornalasý úshin Skills Enbek platformasynda jańa daǵdylardy tegin úırene alady, dep habarlaıdy Kazinform.
Eńbek jáne halyqty áleýmettik qorǵaý mınıstrliginiń málimetinshe, arnaıy bólim bir aı buryn ashyldy, osy ýaqyt ishinde oǵan 2,9 myńnan astam adam tirkeldi, olardyń 2,1 myńy oqyp, sertıfıkat aldy.
Múgedektigi bar azamattardyń jeke kómekshisi bolǵysy keletinder jáne múgedektigi nemese sozylmaly aýrýy bar otbasy múshesimen birge erip júretinderge arnalǵan kásiptik kýrstar bul sanattaǵy azamattar arasynda kóbirek suranysqa ıe.
Sondaı-aq, jobaǵa qatysýshylar broıler balapany men jylyjaılarda lımon ósirý, ara sharýashylyǵy jáne t. b. kýrstarda oqýdy jón kóredi.
Skills Enbek platformasyndaǵy «Kúmis jas» qosymsha betinde aqparattyq tehnologııalar, aýyl sharýashylyǵy, qarjy, bilim berý, áleýmettik qyzmet kórsetý, marketıng jáne týrızm sııaqty baǵyttar boıynsha 120-dan astam kýrstar bar.
Paıdalanýshylarǵa kýrstan ótkeni týraly sertıfıkat berý kózdelgen, ol Enbek.kz portalyndaǵy túıindemede avtomatty túrde kórsetiletin bolady. Jumys berýshi jumyskerdi izdegen kezde izdenýshiniń túıindemesinen sertıfıkattary men alǵan daǵdylaryn kóre alady.
