Qumkól munaı kenishine 25 jyl tolýyna arnalǵan poshta markasy aınalymǵa engizildi
ASTANA. 22 jeltoqsan. QazAqparat - «Qazposhta» AQ Qazaqstan aýmaǵynda Qumkól munaı ken orny ıgerile bastalǵanyna 25 jyl tolýyna arnalǵan mereıtolyq markany aınalymǵa engizdi.
Markada PetroKazakhstan Kumkol Resources kompanııasynyń logotıpi jáne qazaq tilinde «Qumkól munaı ken ornyna 25 jyl» jazýy ornalastyryldy.
Ofsettik tásilmen ázirlengen markada 4 boıaý qoldanyldy. Perforatsııasy - ırekti, quny - 150 teńge, taralymy - 50 myń dana. Sýreti Danııar Muhamedjanovtiki.
Aıta keteıik, bul - «Qazposhta» ulttyq poshta operatory shyǵarǵan 763-inshi marka.
Qumkól 1968 jyly ashylǵan Qyzylorda oblysyndaǵy munaı-gaz ken orny.
