Kúmis kóliktiń apaty 105 mln dollarǵa aınaldy
ASTANA. 15 qarasha. QazAqparat - Amerıkandyq sýretshi Endı Ýorholdyń 1960-shy jyldardyń basynda jasaǵan «Kúmis kóliktiń apaty» kartınasy 13-shi qarasha kúni ótken Nıý-Iorktegi Sotheby's jáne Christie's aýktsıondarynda $105,45 mln. satyldy, dep habarlady piter.tv.
Mamandar kartınany 60 mıllıon dollarǵa satylady dep boljaǵan bolatyn. Al nátıjesi kartınanyń alǵashqy baǵasynan eki esege artyq boldy. Ýorholdyń kartınasynyń uzyndyǵy 2,4 metr, al bıiktigi 4 metrden turady.
Belgili sýretshiniń «Kúmis kóliktiń apaty» kartınasy tórt týyndydan turatyn «Ólim men apat» serııasyna kiredi. Qalǵan úsh týyndy AQSh, Shveıtsarııa jáne Avstrııa murajaılarynda saqtaýly. Endı Ýorholdyń taǵy bir "Koka-Kola" (1962 jylǵy) eńbegi $57,285 mıllıonǵa satyldy.
Osylaısha eki kúnniń ishinde ataqty sheberdiń eki týyndysy 163 mıllıon dollar tabys ákeldi.
