Qumdy daýyl soǵyp tur - BAÁ
ASTANA. QazAqparat - Birikken Arab Ámirliginde (BAÁ) qumdy daýyl soǵyp, qum sýyryp tur. Osyǵan baılanysty ámirlik jaǵalaýyndaǵy keme qatynasyna shekteý qoıylyp, kúre joldardaǵy baqylaý jumysy kúsheıtildi, dep jazdy The National gazeti.
Soltústik shyǵystan soqqan qatty jel el aýmaǵyna qum men shań ákeldi. Bul turǵyndardyń densaýlyǵyna ǵana emes, sondaı-aq tas joldardaǵy jáne teńizdegi qozǵalysqa qaýip tóndirýde. Eldiń birqatar aýdandarynda daýyl saldarynan 500 metr jerdi kórýdiń ózi muń boldy. Basylym derekterine qaraǵanda, jaǵalaýda shaǵyn kemeler qozǵalysyna tyıym salyndy. Óıtkeni tolqyn 3 metr bıiktikke deıin kóterilip otyr, dep habarlady ITAR-TASS.
