Qumaı kesheninde adam sanasyna áser etetin energetıkalyq óris bar - ǵalym
Ereımentaý aýdanynyń aýmaǵynan 2009 jyly ashylǵan Qumaı kesheni eki myń jyldyq tarıhy bar ejelgi eskertkish bolyp tabylady. Qazirgi kezde eskertkish kesheni aýmaǵynyń kartasy jasalyp, kóptegen qundy derekter tabylýda. Munda ejelgi zamanda ómir súrgen kóshpeli túrki taıpalary kóseminiń jerlengen zıraty bar.
Oblystyq tarıhı-mádenı murany qorǵaý men paıdalaný ortalyǵynyń dırektory Qýanysh Shaqshaqovtyń aıtýynsha, Qumaı kesheni aýmaǵynda adam sanasyna áser etetin kúshti energetıkalyq aımaq ta bar kórinedi.
"Qazaqtardyń ertede áýlıelerdiń mazarlaryn jaǵalap, medet tileýleriniń bir sebebi de osynda bolsa kerek. Osy aýmaqta energetıkalyq óris baryn tarıh ǵylymdarynyń doktory Aıman Dosymbaeva da rastaıdy", - deıdi ortalyq dırektory.
Osyǵan oraıda, Qumaı eskertkish keshenin elimizdiń kıeli jerleri geografııasy tizbesine engizý məselesi qarastyrylýda. Bul týraly aımaq basshysyna tarıh ǵylymdarynyń doktory Aıman Dosymbaeva jan-jaqty túsindirip aıtyp berdi.
«Lanshaftyq, arheologııalyq jəne etnografııalyq Kumaı parkin ashý Qazaqstan aýmaǵyndaǵy kóne jəne orta ǵasyrlardaǵy mədenı muralardy jaqyn tanýǵa múmkindik beredi", - dep atap ótti Aıman Dosymbaeva.
Aıta keteıik, Aqmola óńiri tarıhı oryndar men eskertkishterge óte baı. Máselen, Abylaı han otyz jyldan astam ýaqyt ordasyn tikken Hannyń Qyzylaǵashy, Zerendi aýdany Qazaqstan aýylynyń mańyndaǵy Ýálı hannyń mazary, Býrabaıdaǵy Kenesary úńgiri - bulardyń bári kıeli jerler tizimine engizilýge laıyqty nysandar ekeni anyq. Sonymen birge, Eńbekshilder aýdanyndaǵy Birjan sal zıraty memorıaldyq kesheni, Qorǵaljyn aýdanyndaǵy Batyǵaı kesenesi, qazaq handyǵynyń negizin qalaýshy Jánibek sultannyń qurmetine arnap salynǵan Jánibek Shalqar mazary, Arshaly aýdanyndaǵy aqyn, sazger Imanjúsip Qutpanulynyń esimine qatysty tarıhı oryndar, Bulandy aýdanyndaǵy Balýan Sholaq zıratynyń memorıaldyq stellasy sııaqty jurtshylyqqa tanymal oryndar oblys aýmaǵynda az emes.