Qumar oıyndarǵa táýeldi adamdar dıspanserlik esepke alynbaıdy

ASTANA. KAZINFORM – Lýdomanııadan emdeletinder dıspanserlik esepke alynbaıdy. Bul týraly Kazinform-nyń YouTube arnasyndaǵy Bızdıñ orta podkastynda  Týrızm jáne sport mınıstrligi Oıyn bıznesin jáne lotereıany retteý komıteti tóraǵasy orynbasarynyń mindetin atqarýshy Ǵalymjan Mustafaev málim etti.

- Burynǵy norma boıynsha adamdar (lýdoman) dıspanserlik esepke qoıylatyn. Al osy esepke qoıylǵan jaǵdaıda, olar ózderi týraly qoǵamda teris pikir bolady dep alańdaıtyn. Sol sebepti emdeý mekemelerine bara bermeıtin. Al bıyl shildede kúshine engen zań aıasynda dıspanserlik esepke qoımaı, emdeýdiń jańa tártibi engizildi, - dedi Ǵ. Mustafaev.

Bul turǵyda memlekettik klınıkalarda da anonımdik qamtamasyz etiledi. Jańa zańnama lýdomandardy sapaly tegin medıtsınalyq kómekpen qamtamasyz etýge múmkindik beredi.

Eske salsaq, Shilde aıynda Memleket basshysy «Qazaqstan Respýblıkasynyń keıbir zańnamalyq aktilerine oıyn bıznesi, lotereıa qyzmeti, densaýlyq saqtaý, memlekettik eńbek ınspektsııasy, memlekettik baqylaý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańyna qol qoıdy.

Zań arqyly halyqtyń oıynǵa táýeldiligin tómendetýge baǵyttalǵan shekteýshi jáne yntalandyrýshy normalar engiziledi. 

Memlekettik keńesshi Erlan Qarın búgin qabyldanǵan oıyn bıznesi máseleleri týraly jańa zańǵa qatysty pikirin bildirdi.

Qumar oıyndarǵa táýeldi adamdardy medıtsınalyq ońaltýdyń tártibi belgilendi. Mundaı adamdardy, qupııalylyqty saqtaı otyryp, aqyl-keńes berý arqyly baqylaýǵa alý tásili engizildi.

Budan buryn habarlanǵandaı, lýdomanııaǵa shaldyqqandardyń tek 8,3%-y qumar oıyndarǵa táýeldiligin moıyndaıdy eken.

Osy jyly daýryz aıynda Májilis depýtaty Elnur Beısenbaev elimizde 400 myńdaı adam býkmekerler men kazınolardyń turaqty klıentine aınalǵanyn aıtty.