Qumar oıyndarǵa áýes bolǵan alaıaq-býhgalter 5 jylǵa sottaldy
ASTANA. KAZINFORM – Qumar oıyndarǵa áýes bolǵan alaıaq-býhgalter kazınoda shamamen 400 mln. teńgege utyldy. Bul týraly Astana qalasynyń prokýratýrasynyń baspasóz qyzmeti jazdy.
Qumar oıyndarǵa jeńil jolmen aqsha salý maqsatyndat alaıaqtyq jolǵa túsken Astana turǵyny Sot úkimimen 5 jylǵa bas bostandyǵynan aıyryldy.
Shahardaǵy JShS-lardyń birinde býhgalterlik qyzmet atqarǵan kináli áıel mekeme ıelerine shet elge tıimdi ınvestıtsııalar salý týraly jalǵan aıtyp, olardy aldaý arqyly 385,9 mln. teńgeden astam qarajatyn ıemdengen.
«Sottalǵan adam urlanǵan aqshanyń basym bóligin kazınoda utylǵan. Іs boıynsha qatysqan memlekettik aıyptaýshy sottalýshynyń kinásin dáleldedi» - delingen habarlamada.
Sot úkimi zańdy kúshine endi.
Astana qalasynyń prokýratýrasy azamattardy aqylǵa shaqyra otyryp, teris beıimdilikke barmaýdy eskertedi.
