Qumar Aqsaqalov SQO turǵyndaryn arandatýǵa boı aldyrmaýǵa shaqyrdy

NUR-SULTAN. QazAqparat – Soltústik Qazaqstan oblysynyń ákimi Qumar Aqsaqalov óńir turǵyndaryn arandatýshylardyń yrqyna ermeýge shaqyrdy, dep habarlaıdy QazAqparat tilshisi.

«Negizgi memlekettik organdar shtattyq rejımde jumys istep tur. Bizdiń maqsatymyz – tynys-tirshilikti qamtamasyz etetin nysandardyń úzdiksiz jumysyn qamtamasyz etý. Ahýal baqylaýda. Tótenshe jaǵdaı rejımi engizildi. Birqatar shekteýler bolady. Arandatýshylyqqa yryq bermeýge, destrýktıvti toptardyń shaqyrýlaryn elemeýge shaqyramyz. Sońǵy kúnderi oblys turǵyndary joǵary azamattyq jaýapkershilik pen saıası saýattylyq tanytty. Bizge jekelegen tulǵalardyń tarapynan oblysymyzdyń aýmaǵynda zorlyq-zombylyqqa shaqyrýlar týraly aqparattar túsip jatyr. Mundaı barlyq áreketterdiń joly qatań túrde kesiledi», - dedi Qumar Aqsaqalov.

Sonymen qatar óńir basshysy halyqqa óńirdegi ahýaldy habarlap turýǵa ýáde berdi. Ol jergilikti telearnalardyń efırinen sóz sóıleıtin bolady.