Qumar Aqsaqalov oblysta dáriger tapshylyǵy máselesin qalaı sheship jatqanyn aıtty

ASTANA. KAZINFORM — Qostanaı oblysynda 3-6 jas aralyǵyndaǵy balalar balabaqshamen 100 paıyz qamtyldy. Bul týraly óńir ákimi Qumar Aqsaqalov málim etti.

— 3 jyl ishinde oblysta 6 myń orynǵa arnalǵan 9 mektep salyndy, onyń jeteýi bıyl tapsyryldy. 1,9 myń orynǵa arnalǵan taǵy 2 mekteptiń qurylysy jalǵasyp jatyr. Sonymen qatar, 3 jyl ishinde 2,2 myń orynǵa arnalǵan 14 balabaqsha salyndy. Nátıjesinde, 2-6 jas aralyǵyndaǵy balalardy mektepke deıingi tárbıemen qamtý 96,4 paıyzǵae deıin jetti. Al 3-6 jas aralyǵyndaǵy balalar balabaqshamen 100 paıyz qamtyldy, — dedi Q. Aqsaqalov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, úsh jylda oblysta 35 densaýlyq saqtaý obektisi salyndy.

— Óńirge medıtsına qyzmetkerlerin tartý jumysy jalǵasyp jatyr. Oblystyń ońtústik óńirleriniń dárigerleri úshin kóterme járdemaqyny ulǵaıttyq: asa tapshy mamandarǵa — 8,5 mln teńgege deıin, qalada — 5 mln teńgege deıin, aýylda — 7 mln teńgege deıin. 2023 jyldan bastap oblys boıynsha dárigerlerdiń tapshylyǵy 2 esege tómendedi (312-den 152-ge deıin). Ótkizilip jatqan is-sharalar densaýlyqtyń negizgi kórsetkishteriniń serpinine oń áser etedi, — dedi óńir ákimi.

Buǵan deıin habarlanǵandaı, Qostanaı oblysy ekonomıkasynyń barlyq salasynda oń serpin bar.