«Kúmán týǵyzatyn reıtıng kimge kerek?»- BAQ-qa sholý
***
«Egemen Qazaqstan» basylymynyń jazýynsha, Qytaı Halyq Respýblıkasyndaǵy A (H7N9) qus tumaýy boıynsha epıdemıologııalyq jaǵdaıdyń turaqsyzdyǵyn (130 qus tumaýymen aýyrý oqıǵasy tirkelip, onyń 36 jaǵdaıy adam ólimine ákelgen) eskerip, QR DSM MSEQK Kóliktegi departamenti 2013 jyldyń 22 mamyrynda múddeli qyzmettermen (Astana qalasy boıynsha Densaýlyq saqtaý basqarmasy jáne QR DSM MSEQK Astana qalasy boıynsha departamenti, Kóliktegi jelilik ishki ister bólimi, TJ qyzmetteri) jáne Aqmola temir jol bólimshesiniń ózge de qatysty uıymdarymen birlese otyryp, Astanaǵa temir jol kóligimen A(H7N9) qus tumaýyn juqtyrǵan adam kelgen jaǵdaıdaǵy ázirlikti qamtamasyz etý maqsatynda oqý-jattyǵý jumystaryn júrgizdi.
«Shyǵys Qazaqstan oblysynyń ákimi Berdibek Saparbaev Óskemen qalasynyń jańa ákimi Temirbek Qasymjanovty aktıv jıynynda tanystyrdy. Temirbek Qasymjanovtyń kandıdatýrasyn qalalyq máslıhat depýtattary tolyǵymen qoldady»,-dep jazady «Egemen Qazaqstan» gazeti. Budan keıin oblys ákimi qala aktıviniń aldynda turǵan mindetterdi saralap berdi. B.Saparbaev oralmandar máselesine arnaıy toqtaldy. Osy jaıynda «Oralmandar problemasyn sheshý mindetteldi» atty maqalada berilgen.
***
«Aıqyn» basylymynyń búgingi sanynda «Kúmán týǵyzatyn reıtıng kimge kerek?» atty maqala kópshilik nazaryna usynylyp otyr. Qazaqstandyq televızııa salasyna syn taǵyp, min aıtýshylar kóbeıdi. Osy rette «búgingi qazaq televızııasy básekege qabiletti me? Qazaqstandyqtar otandyq telearnalarǵa qanshalyqty rıza? Bul salada neden súrindik, neni úırenýimiz kerek?» degen zańdy suraqtar týyndaıdy. Kúni keshe saıası sheshimder ınstıtýtynda Mádenıet jáne aqparat vıtse-mınıstri Arman Qyryqbaevtyń jáne bir top telearna qyzmetkerleriniń qatysýymen arnaıy jıyn ótti. Jıyn barysynda mamandar telesaladaǵy birqatar qordalanǵan máselelerdiń tıegin aǵytty.
Saıası sheshimder ınstıtýty qazaqstandyqtardyń arasynda arnaıy zertteý júrgizgen. Zertteýdiń nátıjesi boıynsha, 2300 respondenttiń teń jartysy qazaqstandyq telearnalarǵa kóńil bólse, 31,5 paıyzy reseılik telearnalarǵa basymdyq beredi. Al 49,9 paıyzy BAQ usynǵan aqparattarǵa tolyqqandy senbeıdi eken. Respondentterdiń 50 paıyzy BAQ halyqqa aqparat taratýdy belgili bir shekteýlerge ushyraıdy degen senimde. Al «Teledıdardan kóbine ne kóresiz?» degen suraqqa, respondentterdiń 49 paıyzy «jańalyqtar, saraptamalyq baǵdarlamalar kóretinin» aıtty.
«Almatylyq qarjy polıtseıleri 20-ǵa jýyq memlekettik jáne jekemenshik fırma basshylaryn taqyrǵa otyrǵyzyp ketken ákki alaıaqty tutqyndady»,-dep jazady «Aıqyn» basylymy «Qos alaıaq qolǵa tústi» atty maqalada. Sóıtip, qarjy polıtseıleri uıymdastyrǵan jedel-izdestirý sharalary barysynda birqatar memlekettik mekemeler men jekemenshik kásiporyndardyń basshylaryna ózin qarjy polıtsııasynan «Baýyrjan», «Abylaı Báıkenuly», «Asqar», «Baýyrjan Báıkenuly», «Abylaı» dep jalǵan tanystyrǵan aty-jóni belgisiz bir pysyqaıdyń álgi mekemelerdiń qyrýar qarjysyn aldap-arbaý arqyly alyp ketkendigi anyqtaldy. Qolǵa alynǵan is-shara barysynda álgi alaıaqtyń óziniń aram pıǵylyn belgili bir shema arqyly júzege asyrǵany belgili boldy. Sondaı-aq ákki qý jekemenshik kásiporyn basshylarynan joǵary shendi meımandardy qarsy alýǵa jáne taǵy basqa da shyǵyndarǵa 1000 - 10 myń AQSh dollary kóleminde aqshalaı kómek kórsetýlerin surap, bolashaqta olardyń qyzmetterine kómek jasaımyz dep sendirip, qajetti qarjyny alyp otyrǵany anyqtaldy.
***
«Kazahstanskaıa pravda» basylymynyń jazýynsha, Qazaqstan Prezıdenti Nursultan Nazarbaev Eýrazııa ekonomıkalyq komıssııasy alqasynyń tóraǵasy Vıktor Hrıstenkomen kezdesti. Kezdesýge Eýrazııa ekonomıkalyq komıssııasy keńesiniń tóraǵasy - Qazaqstan Premer-Mınıstriniń orynbasary Qaırat Kelimbetov, EEK keńesi músheleri - Reseı Úkimeti Tóraǵasynyń birinshi orynbasary Igor Shývalov jáne «Belarýs Respýblıkasynyń Damý banki» AAQ basqarmasy tóraǵasy Sergeı Rýmas qatysty.
Kezdesý barysynda Nursultan Nazarbaev 29 mamyrda Joǵary Eýrazııa ekonomıkalyq keńesiniń otyrysy ótetinin atap ótti. Oǵan qosa bıyl taǵy eki otyrys josparlanǵan.
«Joǵary Eýrazııa ekonomıkalyq keńesiniń úsh otyrysy ótkizilýi qysqa merzim ishinde barlyq ıntegratsııalyq qujattardy qabyldap úlgerý qajettigine baılanysty. Atap aıtqanda, biz 2014 jylǵy 1 mamyrǵa qaraı 2015 jylǵy 1 qańtarda kúshine enetin Eýrazııa ekonomıkalyq odaǵyn qurý týraly kelisim jobasyn ázirleýdi aıaqtaýǵa ýaǵdalastyq. Bizde jumys kóp, ártúrli qujattardy kelisýdi turaqty jáne júıeli túrde júrgizý qajet», - dedi Memleket basshysy.
