Qulja tasjolynda kólik apatynan úsh adam mert boldy
ALMATY. QazAqparat - Almatyda Qulja tasjolynyń boıynda eki kólik soqtyǵysyp, úsh adam oqıǵa ornynda kóz jumdy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, jantúrshigerlik jol apaty 10 maýsym kúni tańǵy saǵat 07:50 shamasynda Qulja tasjolynda boldy.
«Qulja tasjolynyń batys baǵytynda kele jatqan «BMV-525» markaly avtokóliktiń júrgizýshisi rýlge ıe bola almaı, joldyń qarsy betine shyǵyp ketip, «Mersedes Bents» avtokóligimen soqtyǵysqan. Saldarynan eki kólik júrgizýshisi men «Mersedes Bents» mashınasynda otyrǵan 1978 jyly týǵan áıel oqıǵa ornynda kóz jumdy», - dedi Almaty qalalyq PD anyqtaý basqarmasynyń bastyǵy Oljas Sháripov.
Polıtsııa ókiliniń sózinshe, atalǵan derek Qylmystyq kodekstiń 345-babynyń 4-bóligimen tirkeldi.
Sot-medıtsınalyq jáne tergeý saraptamalary taǵaıyndaldy.
