Qulja tas jolyndaǵy jol apatynda eki adam zardap shekti
ALMATY. QazAqparat - Almaty oblysynda, Qulja tas jolynda eki adam zardap shekken jol-kólik apaty boldy, dep habarlaıdy «QazAqparat» tilshisi oqıǵa ornynan.
Kýágerlerdiń aıtýynsha, KAMAZ júk kóligi burylysta Audi kóligine jol bermegen. Sonyń kesirinen, jeńil kólik júk kóliginiń janarmaı bagyna soǵylǵan. Jol apatynan Audi kóliginiń júrgizýshisi men onyń jolaýshysy aýyr jaraqattanǵan. QazAqparat tilshisiniń habarlaýynsha, olardy aýyr hálde jádel járdem kóligi alyp ketti.
Oqıǵa ornynda polıtseıler jol apatynyń sebepterin anyqtap jatyr.
