​Qulja tas jolyndaǵy jańa jol aıyryǵy úsh deńgeıli bolady

ALMATY. QazAqparat - Qulja tas jolyndaǵy jańa jol aıyryǵy úsh deńgeıli bolady, dep habarlaıdy QazAqparat QR IIDM baspasóz qyzmetine silteme jasap.

«Almatyda Buqtyrma kóshesimen qıylysatyn «Qulja» tas jolynda kólikterge arnalǵan jol aıyryǵynyń qurylysy jalǵasyp jatyr. Nysan, birinshi kezekte, joǵaryda atalǵan baǵyttaǵy keptelistiń qysqarýyna, ekologııalyq jaǵdaıdy ońaltýǵa, sondaı-aq, qalalyqtardyń dittegen ornyna jydam ári yńǵaıly jetýine múmkindik beredi», delingen habarlamada.
Joba boıynsha atalmysh jol aıyryǵy úsh deńgeıli bolady. Buqtyrma kóshesiniń boıynda uzyndyǵy 570 metrlik týnnel, Qulja tas jolynda uzyndyǵy 783 metr bolatyn estakada jáne osy kósheler qıylysynda aınalma qozǵalysty uıymdastyrýǵa arnalǵan rampa bóligi bar.