Qulja tas jolynda rólde uıyqtap ketken júrgizýshi adamdy qaǵyp ketti
ALMATY. QazAqparat - Almaty mańynda, Qulja tas jolynda rólde uıyqtap ketken júrgizýshi jaıaý júrginshini qaǵyp ketti, dep habarlaıdy QazAqparat tilshisi.
Kýágerlerdiń aıtýynsha, Reno Sandero kóliginiń júrgizýshisi uıyqtap ketip, jol apatyn sebepker bolǵan.
Joldyń shetinde ketip bara jatqan jolaýshyny qaǵyp ketkennen keıin ǵana júrgizýshi uıqysynan oıanǵan. Soqqydan keıin shuǵyl burylǵan kólik qarsy jolaqqa shyǵyp ketip, Nissan shaǵyn avtobýsymen soqtyǵysqan.
Polıtseıler men jedel járdemdi oqıǵa kýágerleri shaqyrtqan. Jol apatynan eki kólik júrgizýshisi men jaıaý júrginshi zardap shegip, jedel járdem kóligimen aýrýhanaǵa jóneltildi.
Dárigerler jol apatynan zardap shekkenderdiń jaǵdaıyna qatysty eshqandaı aqparat bergen joq.
