Qulja, Samarqand, Pýsan: Qazaqstan bıyl birneshe baǵytqa jańa áýe reısterin ashady

ASTANA. KAZINFORM — Bıyl Qazaqstan 32 halyqaralyq áýe reısin iske qosady. Onyń 15-si múlde jańa baǵyttar bolmaq. 

— Bıyl 32 jańa halyqaralyq áýe reısi ashylady. Onyń ishinde 15 qala — Qazaqstan úshin múldem jańa baǵyt. Bul baǵyttardyń basym bóligine Air Astana men SCAT qyzmet kórsetetini kóńil qýantady. Onyń syrtynda bizdiń áýe tasymaly naryǵyna 5 jańa loýkester kirip otyr. Bul — «Ashyq aspan» rejıminiń arqasy, — dedi Kólik mınıstri Marat Qarabaev Senatta ótken Úkimet saǵatynan keıin.

Mınıstrlik usynǵan qosymsha málimetke súıensek, tikeleı reıster myna baǵyttardy qamtymaq:

* Mıýnhen

• Mysyr

• Gýanchjoý

• Shańhaı

• Danang

• Abý-Dabı

• Hýrgada

• Pýsan

• Osh

• Mýmbaı

• Qulja

• Rım

• Gazıpasha

• Býdapesht

• Samarqand

Al jańa loýkosterlerdiń tizimi mynandaı:

1. Spice Jet (Úndistan)

2. Thai AirAsia X (Taıland)

3. Easter Jet (Ońtústik Koreıa)

4. T’Way Air (Ońtústik Koreıa)

5. Air Arabia Abu Dhabi (BAÁ).

Buǵan deıin Vetnamdyq ınvestor Qazaq Air áýe kompanııasynyń ataýyn ózgertkenin jazǵan edik.