Qulja dańǵyl jolynyń 15 shaqyrymy ýaqytynan buryn jóndeldi
TALDYQORǴAN. QazAqparat - Avtojol mamandary Almaty oblysynydaǵy Qulja tas jolynyń uzyndyǵy 15 shaqyrym bóligin merziminen 3 aıǵa erterek paıdalanýǵa tapsyrdy.
Qulja dańǵyl joly startegııalyq mańyzy bar kólik jelisi, ol «Batys Eýropa - Batys Qytaı» halyqaralyq dálizine tıesili, qozǵalystyń qarqyndylyǵy kúnine 40 myń avtokólikti quraıdy. Ýchaskede ortasha jóndeý jumystary sońǵy ret 2009 jyly ótkizilgen. Ótken jyly uzyndyǵy 20 shaqyrym 2 jol bóligi jóndelgen bolatyn, al bıyl uzyndyǵy 15 shaqyrymdy quraıtyn ýchaskede jóndeý jumystary aıaqtaldy.
Jańartylǵan jol ýchaskesi «Almaty-Kókpek-Shonjy-Kóktal-Horgos» respýblıkalyq mańyzy bar avtojolynyń 50-65 shaqyrymynda ornalasqan. «QazAvtoJol» UK» AQ Almaty oblystyq fılıalynyń jumysshylary barlyq jóndeý jumystaryn 1,5 aı ishinde aıaqtap bitirdi.
Sonymen qatar, bıylǵy jyly uzyndyǵy 15 shaqyrym «Almataý týrısttik bazaǵa kireberis joly» ýchaskesiniń jáne 40 shaqyrym «Kegen-Narynkól» avtojolynyń ortasha jóndeý jumystary ótkiziledi.
«Almataý týrısttik bazaǵa kireberis joly» ýchaskesiniń boıynda kelesi jylǵy Ýnıversıada-2017 qatysýshylaryn qabyldaıtyn taý shańǵy sport kýrorttary ornalasqan. Osy ýchaskede sońǵy jóndeý jumystary 2010 jyly ótkizilgen. Bıylǵy jóndeý jumystaryn maýsym aıyna deıin bitirýge josparlanǵan.
«Kegen-Narynkól» avtojoly Qytaı elimen shekaralasqan Raıymbek aýdanynda ornalasqan. Osy ýchaskeniń jóndeý jumystary aımaqtyń damýyna, ishki týrızmge jaqsy áser etedi. Sońǵy ret osy jolda jóndeý jumystary 2007 jyly ótti. Bıylǵy jóndeý jumystarynyń aıaqtalý merzimi - 2016 jylynyń IV toqsanynda.
Sonymen qatar, oblysta kúrdeli jóndeý boıynsha jumystar ótkizilip jatyr. Osy jyly «Kókpek-Kegen-Túp-Jalańash-Saty-Qurmetti-Kólsaı kóli kireberis joly» uzyndyǵy 35 shaqyrym ýchaskesiniń jóndeýi júrgizilip jatyr. Osy ýchaskesiniń kúrdeli jóndeýi Kólsaı kólderi aımaǵynyń damýyna jaqsy áser beredi, kelýshiler týrızmin joǵarylatady.
Aıta keteıik, kúrdeli jóndeý ortasha jáne aǵymdaǵy jóndeýden óziniń kólemimen, shyǵyndarymen, merzimimen erekshelenedi. Ortasha jóndeý jumystary ornatylǵan jóndeýaralyq merzimderine sáıkes ótedi, shamamen birneshe jylda 1 ret, onyń maqsaty - tozý qabatyn qalpyna keltirý arqyly jol tósemin nyǵaıtý. Ortasha jóndeý jumystary edáýir kólemimen erekshelenedi, ol tósem aýdanynyń 40% paıyzyn qamtýy múmkin.
Kúrdeli jóndeý jóndeýaralyq merzimderine sáıkes ótkiziledi, onyń maqsaty - avtojolynyń tolyq qalpyna keltirýi, nemese jol tóseminiń tózimdiligin joǵarylatýy, kerek bolsa avtojol tóseminiń geometrııalyq parametrleriniń ózgertilýi. Kúrdeli jóndeýiniń ereksheligi - jumys kólemi avtojoldyń tolyq uzyndyǵyn qamtıdy.
