Qulja-Buqtyrma jolaıryǵy 350 myń almatylyqtyń júrip-turýyna qolaıly jaǵdaı jasaıdy
«Qulja tasjolynyń Buqtyrma kóshesimen qıylysqan tusynda qalanyń «shyǵys qaqpasy» janyndaǵy qozǵalysty jeńildetetin kólik aıryǵy salynyp jatyr. Qala turǵyndaryna «áýejaı aınalma joly» retinde tanys bul aımaqta kólik nópiri seıilmeı tur», - dep jazdy qala ákimi B. Saǵyntaev Instagram paraqshasynda.
Onyń aıtýynsha, jobaǵa sáıkes munda tórt jáne altyjolaqty qozǵalyspen júretin zamanaýı ári kópdeńgeıli jol ótkeli salynady.
Qulja tasjoly boıyndaǵy estakadanyń uzyndyǵy - 784 shaqyrym, Buqtyrma kóshesindegi týnneldiń uzyndyǵy - 570 shaqyrym. Aýmaqtyń aınalasyn abattandyrý úshin 750 aǵash otyrǵyzylady.
«Jospar boıynsha keler jyldyń sońyna qaraı paıdalanýǵa berilgennen keıin Buqtyrma kóshesiniń ótkizý qabileti 30%-ǵa, al Qulja traktisi boıynsha 15%-ǵa ósedi. Jalpy, bul jolaıryǵy Túrksib aýdany men qala mańyndaǵy eldi mekenderdiń 350 myńǵa jýyq turǵynynyń júrip-turýyna qolaıly jaǵdaı týǵyzbaq», - dedi Baqytjan Saǵyntaev.
Eske salsaq, qazir Almatyda Seıfýllın dańǵyly – Jansúgirov kóshesiniń jáne Rysqulov dańǵyly – Emtsov kóshesiniń qıylystarynda taǵy eki kólik aıryǵy salynyp jatyr. Olardyń qurylysyn aıaqtaý 2021 jyldyń sońyna josparlanǵan.
