Qulybaev: ShQO-da kásipkerler men ákimdik arasynda jaqsy baılanys ornaǵan

ÓSKEMEN. QazAqparat - Shyǵys Qazaqstan oblysynda «Atameken» UKP basshysy Tımýr Qulybaevtyń qatysýymen óńirlik kásipkerler palatasynyń kóshpeli otyrysy ótti. Onda bıznes-qoǵamdastyq elimizdegi iskerlik ortany jaqsartý jónindegi jumystardyń kezeńdik qorytyndylaryn talqylady, dep habarlaıdy QazAqparattyń óńirdegi tilshisi. 

Ulttyq kásipkerler palatasynyń basshysy Qazaqstanda iskerlik ortany zańnamalyq normalardy jaqsartý jáne kásipkerlerdiń quqyǵyn qorǵaý normalaryn qoldaný arqyly ǵana jetýge bolatynyn atap ótti. 

Aıta keteıik, bul Qulybaevtyń óńirge júıedegi túıtkilderdi anyqtaý úshin jasaǵan tórtinshi sapary. Al mundaı másele búgingi tańda joq emes, onyń birazy bıyldyń ózinde sheshimin taýyp ta jatyr.

«Atameken» UKP kóshpeli otyrysyn qarsy alǵan oblys ákimi Danıal Ahmetov «Palata jazalaý ustanymynan kótermeleý saıasatyna kóshýdi bildiretin tıimdi zańnamalyq negiz qalyptastyrý úshin júıeli túrde jumys atqaryp jatqanyn» atap ótti.

Tımýr Qulybaev elimizdiń bıznes júıesi 400 normatıvtik-quqyqtyq aktige negizdelgenin aıtty. Olardyń eń bastylary - el Konstıtýtsııasy, Salyq Kodeksi jáne Azamattyq Kodeks. Jyl aıaǵyna deıin Palata QR Úkimetimen bıznes protsedýrasynyń, merzimderiniń, qarjylyq shyǵyndarynyń azaıtylýy jóninde jumys istep jatyr.

«17 myńnan astam talap qysqartylǵaly jatyr. 30 myń bıznesti tekserý aktisinen tek 12 myńy qalady», - dedi ol. 

UKP Tóralqa tóraǵasy júıedegi olqylyqty dereý sheshýge múmkindik beretin óńirlik atqarýshy organ men palatanyń jergilikti fılıalynyń tıimdi dıalogyn atap ótti.

«Palatanyń baqylaýynda osyndaı 500-den astam másele turǵan edi. Onyń úshten ekisi sheshildi. Qazir 150-deıi qalyp otyr», - dep túıdi sózin Tımýr Qulybaev.