Qulybaev Golovkındi jas sportshylardyń kýmıri dep atady
ASTANA. QazAqparat - QR Ulttyq olımpıada komıtetiniń perzıdenti, AIBA vıtse-prezıdenti, Qazaqstan Boks federatsııasynyń prezıdenti Tımýr Qulybaev brıtandyq boksshy Kell Brýkty jeńgen Gennadıı Golovkındi quttyqtady.
«Gennadıı, sizdi quttyqtaımyn! Qazaqstandyqtar sizdiń IBF belbeýiniń ıegeri Kell Brýkpen jekpe-jegińizdi asyǵa kútti. Laıyqty qarsylaspen ótken bul aıqasta siz joǵary sheberlik, muqalmas minez jáne óz kúshińizge degen múltiksiz sendimdilikti pash ettińiz. Bul Kell Brýkpen jekpe-jegińizdi taǵatsyzdana kútken búkil álemdegi jas sportshylar úshin sizdi kýmırǵa aınaldyrdy. Kezekti tamasha jeńisińizge qol jetkizip, siz otandyq boks mektebiniń laıyqty dańqyn taǵy da pash ettińiz jáne ózińizdiń júzdegen myń jankúıerińizdi shabyttandyrdyńyz. Sizge jańa jarqyn jeńister men barlyq jaqsylyqtardy tileımin», - delingen quttyqtaýda.
