Qulsarydaǵy №24 mekteptiń jabylatyndyǵy týraly aqparat jalǵan
ASTANA. QazAqparat - Qulsary qalasynda «100 mektep, 100 aýrýhana» baǵdarlamasy aıasynda salynǵan №24 mektep jabylmaıdy. Bul týraly búgin QR Bilim jáne ǵylym vıtse-mınıstri Tahır Balyqbaev málim etti.
«Bizdiń túsinigimiz boıynsha, keshe taraǵan aqparat naqty emes. Ondaı sheshim joq. Ol jerde qazaq-túrik lıtseıin uıymdastyrý máselesi kóterilip otyr. Degenmen, ol qandaı bazada, qalaı jasalatyndyǵy jumys barysynda jaıttar. Ókinshke oraı, bizde bul aqparattyń qaıdan taraǵanyn bilmeımiz. Óıtkeni Bilim jáne ǵylym mınıstrliginiń, jergilikti atqarýshy organdardyń tarapynan ázirshe, mundaı sheshim joq», - dedi T.Balyqbaev.
Esterińizge sala keteıik, birqatar buqaralyq aqparat quraldarynda «100 mektep, 100 aýrýhana» baǵdarlamasy aıasynda Atyraý oblysynyń Qulsary qalasynda salynǵan №24 mektep-gımnazııanyń jabylatyndyǵy jaıynda aqparat taraǵan bolatyn.
