Qulsaryda tyr jalańash serýendegen Teńizdiń 30 jastaǵy santehnıgi bolyp shyqty
ATYRAÝ. QazAqparat - Atyraý oblysynyń Qulsary qalasynda tyr jalańash serýendep júrgen azamat Teńizdiń 30 jastaǵy santehnıgi bolyp shyqty, dep habarlaıdy «QazAqparat» HAA tilshisi.
Eske sala keteıik, senbi kúni qala ishinde tyr-jalańash serýendep júrgen er adamnyń vıdeosy ınternetti sharlap ketken bolatyn. Ashýlanǵan jurt ony lezde taýyp, jazaǵa tartý kerektigin aıtyp jatty.
«Ol Batys Qazaqstannyń turǵyny, jasy 30-da. Teńizdegi kompanııalardyń birinde santehnık bolyp jumys isteıdi. Qalanyń ortasynda jalańash júrgende ol mas bolǵan. QR «Ákimshilik quqyqbuzýshylyqtar týraly» kodeksiniń 440-baby boıynsha sotqa deıingi tergep-tekserý júrip jatyr. Tergeý amaldary aıaqtalǵan soń is sotqa jiberiledi. Qoǵamdyq tártipti buzǵany úshin oǵan aıyppul nemese qamaý jazasy belgilenýi múmkin», - dep málimdedi Atyraý ІІD baspasóz qyzmetindegiler.
