Qulsaryda kóshede tyr jalańash júrgen er adam ustaldy
ATYRAÝ. QazAqparat - Atyraý oblysynyń Qulsary qalasynda kóshede tyr jalańash júrgen er adam ustaldy, dep habarlaıdy QazAqparat tilshisi.
Jylyoı aýdany Qulsary qalasynda kóshede er adam tyr jalańash júrgen sát túsirilgen vıdeo búgin áleýmettik jelige tarap ketti. Jeli qoldanýshylary bul oqıǵaǵa ashýlanyp, er adamdy taýyp, jazalaýyn talap etti.
«Jalańash júrgen er adamnyń kim ekeni anyqtaldy. Ol 1988 jyly týǵan kórshi Batys Qazaqstan oblysynyń turǵyny. Qazir ol ustaldy. QR Ákimshilik quqyq buzýshylyq kodeksiniń 440-baby boıynsha sotqa deıingi tergeý jumystary júrgizilip jatyr. Tergeýden soń is sotqa joldanady. Qoǵamdyq tártipti buzǵany úshin oǵan aıyppul tóleý ne tutqynǵa alyný jazasy taǵaıyndalýy múmkin. Ony sot sheshedi», - dep habarlady Atyraý oblysy boıynsha ІІD baspasóz qyzmeti.
