Qulsaryda benzın tasymaldaıtyn kólik órtenip, eki adam kúıip qaldy
ATYRAÝ. QazAqparat - Atyraý oblysy Jylyoı aýdany Qulsary qalasynda «Qazmunaıgaz» AQ-ǵa tıesili benzın tasymaldaıtyn kólik janarmaı quıyp jatqan sátte órtenip, eki adam japa shekti. Bul týraly óńirdegi QazAqparat tilshisi habarlaıdy.
«Qulsaryda benzın tasymaldaıtyn KamAZ janarmaı quıyp jatqan sátte órtenip, júrgizýshi men onyń kómekshisi japa shekti. Júrgizýshiniń denesiniń 80-90 paıyzy kúıip qalǵan. Al kómekshisin 20-30 paıyz kúıik shalǵan. Onyń jasy 19-da, Ózbekstan azamaty. Ekeýi de Qulsary qalasynyń aýdandyq aýrýhanasyna jatqyzyldy» dep habarlaıdy Atyraý oblysy TJD.
