Qulsarylyq 146 bala lagerge demalýǵa jiberildi

ATYRAÝ. KAZINFORM – Qulsary qalasyndaǵy sý tasqynynan zardap shekken otbasylardyń 146 balasy oqý-saýyqtyrý lagerinde demalyp júr. 

Jylyoı aýdandyq bilim bólimi basshysynyń mindetin atqarýshy Gúljansara Qalıqyzynyń aıtýynsha, Oqý-aǵartý mınıstrligi mektep jasyndaǵy balalardyń «Baldáýren» oqý-saýyqtyrý lagerinde demalýyna qoldaý kórsetken.

«Jylyoı aýdanynan 4 mamyrda 146 oqýshy demalys lagerine jiberildi. Olar 20 kún demalady. Qazir oqýshylar Túrkistan, Balqash, Şýchınsk qalalarynda jáne Býrabaıda ári demalyp, ári oqýyn jalǵastyryp júr. Maýsym aıynda taǵy 35 oqýshyny atalǵan demalys ornyna jiberý josparlanyp otyr», - dedi Gúljansara Qalıqyzy.

Onyń aıtýynsha, sý tasqynynan zardap shekken jáne evakýatsııalanǵan otbasylardyń balalaryn oqý-saýyqtyrý, demalý lagerine jiberý jalǵasyn tabady.

Eske sala ketelik, buǵan deıin Qulsary qalasynda turatyn 3 myńnan astam oqýshy jazǵy lagerlerde demalatynyn habarlaǵan edik.