Qulsarydan qutqarylǵan júkti áıel Mańǵystaýǵa barar jolda bosandy

AQTAÝ. KAZINFORM - Qulsary turǵyny Mańǵystaý oblysyna barar tolǵaly kelip, sábıli boldy.

Jedel járdem kóliginde bosanǵan anaǵa akýsher Gúlzada Qojanııazova kómektesken. Dárigerler ana men balanyń jaǵdaıy jaqsy ekenin atady.

«Senbi kúni tańerteń 1980 jyly týǵan áıel júktiliktiń 39-40 aptasynda jedel járdem kóliginde bosandy. Ony Qulsarydan Mańǵystaýǵa jetkizgen. Bala 3 keli 150 g salmaqpen dúnıege keldi. Bala týǵannan keıin biraz ýaqyt mamandardyń baqylaýynda bolady. Ananyń da, jańa týǵan náresteniń de jaǵdaıy turaqty dep baǵalanady. Bosaný sáti asqynýsyz, sátti ótti. Áıel besinshi perzentin bosanyp otyr. Akýsherler men jedel járdem qyzmetkerleriniń kásibıligi mańyzdy ról atqardy. Qazir naýqas bizde-bosanǵannan keıingi bólimde. Ol dárigerlerge kórsetken kómegi úshin alǵysyn jetkizdi, — dedi Beıneý aýdandyq ortalyq aýrýhanasy basshysynyń orynbasary Asýhan Markabaeva.

Búgin Beıneý aýdanyna Mańǵystaý oblystyq aýrýhanasynyń dárigerleri medıtsınıalyq kómek kórsetýge arnaıy bardy. 

Sondaı-aq, Beıneý aýdanynda Qulsarydan kelgen 2,5 myń adam ornalasyp úlgerdi. Aqtaý qalasynda da sýdan zardap shekken Qulsary turǵyndary úshin evakýatsııalyq pýnkt ashyldy.

Sonymen qatar, Mańǵystaýda azyq-túlik qory jetkilikti ekenin resmı oryndar málimdedi. 

Sý basý kezinde Qulsarydaǵy aýrýhanadan 77 naýqasty Mańǵystaý oblysyna jetkizdi.