Qulsarydaǵy jarylys: Janar-jaǵarmaı beketindegi órt sóndirildi

ATYRAÝ. KAZINFORM — Atyraý oblysy Qulsary qalasynda janar-jaǵarmaı beketindegi órt sóndirildi.

Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynan málim etkendeı, saǵat 18:45 shamasynda «Nıet» janar-jaǵarmaı stansasynda gaz-aýa qospasy jarylǵan. Keıin órt tutanǵan. 

— Órt saǵat 20:15–te oqshaýlanǵan. Jalyn saǵat 21:47–de tolyq joıyldy. Janar-jaǵarmaı beketindegi jarylystan soń tutanǵan órtten 16 adam zardap shekti. Onyń ishinde 2 adam qaza tapty, — dep málim etti departamenttiń ımıdjdik jumys jáne syrtqy kommýnıkatsııalar tobynan.

Eske sala keteıik, budan buryn Qulsaryda gaz-aýa qospasy jarylyp, 2 adam qaza tapqanyn jazǵan bolatynbyz. 

Keıin Atyraý oblysynyń ákimi Serik Shápkenov Qulsarydaǵy jarylysqa baılanysty jedel shtab otyrysyn ótkizdi. 

Sondaı-aq, dárigerler zardap shekkenderdiń jaǵdaıy týraly aıtty.

Al, Qulsarydaǵy jarylysqa qatysty qylmystyq is qozǵady.