Qulsarydaǵy jarylys: Shápkenov jedel shtab otyrysyn ótkizdi

ASTANA. KAZINFORM — Serik Shápkenov Qulsarydaǵy janar-jaǵar maı beketinde bolǵan órtke qatysty jedel shtab otyrysyn ótkizdi, dep habarlaıdy Atyraý oblysynyń ákimdigi.

Atyraý oblysynyń ákimi Serik Shápkenov Jylyoı aýdany Qulsary qalasyndaǵy «Nıet» janar-jaǵar maı quıý beketindegi órt pen jarylysqa qatysty jedel shtabtyń shuǵyl otyrysyn ótkizdi. 

— Qazirgi ýaqytta zardap shekkender túrli deńgeıdegi kúıik jaraqatymen aýdandyq aýrýhanaǵa jetkizildi. Aımaq basshysynyń tapsyrmasymen Atyraý qalasynan kúıik ortalyǵynyń mamandary medıtsınalyq kómek kórsetýge qosymsha kúsh retinde jiberildi. Oblys ákimi tótenshe jaǵdaılar jónindegi departamentke oqıǵa ornyndaǵy is-sharalardy tolyqtaı úılestirýdi, órtti oqshaýlaý jáne saldaryn meılinshe azaıtýdy, sondaı-aq órt aýmaǵynda qaýipsizdikti qamtamasyz etýdi tapsyrdy, — delingen habarlamada.

Osyǵan deıin Qulsaryda gaz-aýa qospasy jarylyp, 2 adam qaza tapqanyn jazdyq.