Qulsarydaǵy úılerdiń qurylysy qashan aıaqtalady
ATYRAÝ. KAZINFORM – Jylyoı aýdany Qulsary qalasynda sý tasqynynan zardap shekkenderge turǵyn úıler salynyp jatyr.
Qazirgi málimet boıynsha, barlyq 80 úıdiń irgetasy quıylǵan. 29-ynda qabyrǵalar turǵyzylýda. Qurylys jumystaryna jergilikti 7 merdiger tartylyp, 100-den astam jumysshy eńbek etýde.
Qurylysty 2024 jyldyń qyrkúıek aıyna deıin aıaqtaý josparlanyp otyr.
QR Ónerkásip jáne qurylys mınıstrliginiń Ahýaldyq ortalyǵynyń málimeti boıynsha, Atyraý oblysynda 2 674 nysanǵa tehnıkalyq tekserý júrgizildi, onyń nátıjeleri boıynsha:
– 100 úı salý;
– 1 376 úı satyp alý – 1 341 satyp alyndy;
– 1 198 úıdi jóndeý – 1 174-inde jumystar aıaqtaldy.
