Qulsarydaǵy úılerdi sýdan tazartý jumystaryn osy aptanyń aıaǵyna deıin bitiremiz – Serik Shápkenov

ASTANA. KAZINFORM – Atyraý oblysynyń Serik Shápkenov Qulsary qalasynda tasqynnan kelgen shyǵyndy esepteýge 6 mekeme tartylǵanyn aıtty.

«Qulsary qalasynda 2920 úı Jem ózeniniń tasýyna baılanysty sý astynda qalǵan bolatyn. Qazir osy sýdy sorǵytyp, qaýipsiz aımaqqa burý jumystary júrip jatyr. Búgingi tańda 518 úı men 35 áleýmettik nysandy sýdan tazartyp aldyq. Bul jumystar 24 saǵat boıy júrgizilip jatyr. Osy aptanyń aıaǵynda atalǵan jumystardy tolyǵymen aıaqtaýdy josparlap otyrmyz. Sýdan bosaǵan jerlerdi, úılerdi dezınfektsııalaý jumystaryn bastap kettik. Áskerı adamdardy da osy jumysqa tartyp jatyrmyz. Tıisti tehnıkalyq tekserý jáne baǵalaý júrgizetin mekemelerdi tartyp, turǵyndarǵa kelgen shyǵyndy anyqtaıtyn komıssııa jumysyna kirisip ketti. Osyndaı 6 mekeme shyǵyndardy eseptep jatyr jáne eki mekeme turǵyn úılerdiń jaǵdaıyn tekserip jatyr. 100 aılyq eseptik kórsetkish kóleminde (369 200 teńge -red.) kómek alýǵa 3398 ótinish túsken bolatyn. Sonyń 3274-ine 1,2 mlrd teńgeniń kómegi kórsetildi», - dedi ákim.

Al Úkimet basshysy áleýmettik jelide Qulsary qalasyndaǵy ahýal týraly teris aqparat kóp ekenin aıtty.

«Osy baǵytta halyqpen jumys isteý kerek. Al arandatýshylardy zań boıynsha jaýapkershilikke tartyńyzdar», - dedi Premer-mınıstr.