Qulsarydaǵy evakýatsııa pýnktine ornalasqan turǵyndar sany kóbeıgen
ATYRAÝ. KAZINFORM – Atyraý oblysynda tasqyn sý basqan Qulsary qalasyndaǵy evakýatsııa pýnktine ornalasqan turǵyndar sany kóbeıip otyr.
Atyraý oblystyq jedel shtabtyń málimetine súıensek, Qulsary qalasynan 36 myń 738 adam evakýatsııalanǵan. Turǵyndardyń bir bóligi Mańǵystaý oblysyna, Atyraý qalasy men «Teńiz» vahtalyq qalashyǵynda ashylǵan evakýatsııalyq pýnktterge kóshirilgen edi.
«Qulsary qalasynyń 809 turǵyny evakýatsııalyq pýnktterde turyp jatyr. Onyń ishinde 371 adam «Teńiz» vahtalyq qalashyǵyndaǵy evakýatsııalyq pýnktte ornalasqan», - dep habarlady oblystyq jedel shtab.
Kórshiles Aqtaý qalasyndaǵy evakýatsııalyq pýnktterge ornalasqan 86 turǵyn turǵylyqty mekenine áli oralmaǵan. Al, Qulsary qalasynda ashylǵan evakýatsııa pýnktterine ornalasqan turǵyndar sany kóbeıgen. Máselen, 7 mamyrda osyndaǵy eki pýnktte 105 qulsarylyq bar edi. Qazir osyndaı pýnktterde 352 adam turyp jatyr.
Jylyoı aýdanynda tótenshe jaǵdaı engizilgennen beri 6 000-nan astam otbasyńv gýmanıtarlyq kómek kórsetilgen.
Eske sala ketelik, Sý basqan Qulsarynyń 686 turǵyny áli de evakýatsııalyq pýnktterde turyp jatqanyn jazǵan edik.
