Qulsaryda joǵalyp ketken ekinshi adamnyń múrdesi tabyldy

ATYRAÝ. KAZINFORM – Búgin Qulsaryda joǵalyp ketken ekinshi adamnyń múrdesi tabyldy. Atyraý oblystyq tóteshe jaǵdaılar departamentinen málim etkendeı, múrdeniń tasqyn sýdyń astynda jatqany anyqtalǵan. 

«Búgin, 14 sáýirde saǵat 13:40-ta 2000 jylǵy er adamnyń múrdesi turǵyn úıinen 1 shaqyrym qashyqtyqtan tabyldy. Múrde tasqyn sýdyń astynda 1,5 metr tereńdikten tabyldy», - dep málim etti departamenttiń qoǵammen baılanys toby. 

Buǵan deıin sý basqan Qulsarydan bir adamnyń múrdesi tabylǵanyn jazǵan bolatynbyz. 

Qulsary qalasynda 6 sáýirde ákesi men balasy birge joǵalyp ketken edi. Ákesi 1976 jylǵy, al bala 2000 jyly týǵan. Olar ruqsat etý qujatynsyz sý basqan turǵyn úıin qaraý úshin barǵan. Alaıda, olar evakýatsııalyq pýnktige keri oralmaǵan. Sol kúnnen beri joǵalyp ketken ákesi men balasyn izdeý toqtaǵan joq. 

Іzdestirý jumystaryna 40 qyzmetker, 6 júzý quraly, 1 birlik tehnıka jumyldyryldy.