Qulsaryda sý tasqynynan zardap shekkender úshin jańa shaǵyn aýdan salynyp jatyr
ATYRAÝ. KAZINFORM – Atyraý oblysyndaǵy Qulsary qalasynda sý tasqynynan zardap shekkender úshin jańa shaǵyn aýdan salynyp jatyr.
Ónerkásip jáne qurylys mınıstrliginiń málimetinshe, jańadan boı kóterip jatqan «Bolashaq» dep atalatyn jańa aýdanǵa kezeń-kezeńimen 100 otbasy qonystanady.
«Turǵyn úılerdi qaıta qalpyna keltirý sharalary aıasynda Qulsaryda tamyz aı̆ynyń sońyna deı̆in 80 úı̆ paı̆dalanýǵa berilmek. Munda qurylys jumystary qarqyn alǵan. Qurylys alańynda jergilikti 8 merdiger mekeme jáne 414 jumysshy jumyldyryldy. Al, 20 úı̆diń qurylysyn qyrkúı̆ek aı̆ynda aıaqtaý josparlanyp otyr», - dep habarlady mınıstrliktiń baspasóz qyzmeti.
Ár úı̆diń kólemi – 100 sharshy metr, 5 bólmesi bar. Qazir 84 úı̆diń qabyrǵasyn qalaý jumystary aıaqtalǵan. Al, 57 úı̆diń tóbe jabyndysyn jabý jumystary júrip jatyr.
Sondaı-aq, 35 úı̆diń sylaq jumystary bastalyp, 43 úıge tereze ornatyldy. Jańa úılerge elektr, sý, káriz jelisi tartyldy.
Mınıstrliktiń Ahýaldyq ortalyǵynyń málimetinshe, Atyraý oblysynda barlyǵy 2 674 obektige tehnıkalyq tekserý júrgizilgen. Sonyń nátıjesinde 100 úı salynyp jatyr. Turǵyndarǵa 1 376 úı satyp alý qajet bolǵan. Onyń ishinde 1 372 úı satyp alynǵan.
Sonymen birge 1 198 úıge jóndeý jumystaryn júrgizýge sheshim qabyldanǵan. Qazir 1 191 úıde jóndeý aıaqtalǵan.
Eske sala ketelik, buǵan deıin Qulsary halqyna úı satyp alýǵa, jóndeýge 70 mlrd teńge aýdarylǵanyn jazǵan bolatynbyz.
Sondaı-aq, Qulsaryda salynyp jatqan 100 úıdiń 80-i tamyzdyń sońyna deıin paıdalanýǵa beriletinin habarlaǵan edik.
