Qulsaryda 150 úıdiń qurylysy bastalady
ATYRAÝ. KAZINFORM — Búgingi tańda árqaısysynyń aýdany 80 sharshy metrlik 74 tıptik úlgidegi úıdiń ýchaskesi belgilendi. Negizgi qurylysty kelesi aptada bastaý josparlanyp otyr. Bul týraly oblystyq qurylys, sáýlet jáne qala qurylysy basqarmasynyń basshysy Nurbergen Qusaıynov málim etti.
– Turǵyn úıler oblystyq bıýdjettiń jáne demeýshilerdiń qarajatyna salynady. Qurylysty jergilikti merdiger mekemeler júrgizedi dep josparlanyp otyr,- deıdi N.Qusaıynov.
Yqshamaýdan ınjenerlik-kommýnıkatsııalyq ınfraqurylymmen – jaryq jáne sýmen qamtylǵan, gazben qamtý jumystary júrgizilýde. Yqshamaýdan aýmaǵynda eki myń oryndyq Binom mektebin salý josparlanyp otyr. Sonymen qatar 300 oryndyq balabaqsha qurylysy bastalady.
Atyraý oblysynyń TJ jónindegi jedel shtabynyń málimetinshe, turǵyndarǵa arnalǵan shaǵyn alleıalar salý da josparda bar. Oblys ákiminiń tapsyrmasyna sáıkes áleýmettik nysandardyń jobalyq-smetalyq qujattamasyn ázirleý jumystary bastaldy.
