Qulsaryda sý tasqynynan búlingen nysandardy qalpyna keltirý qalaı júrip jatyr
ATYRAÝ. KAZINFORM – Atyraý oblysyndaǵy Qulsary qalasynda sý tasqynynan búlingen nysandardy qalpyna keltirý júrip jatyr.
Jem ózeniniń arnasynan asqan tasqyn sý Qulsaryǵa kirip, turǵyn úıler men áleýmettik nysandar búlingen edi. Sý tasqynan 5 mektep, 3 balabaqsha jáne 1 saz mektebi zardap shekken. Tehnıkalyq zerdeleýden soń 3 ǵımarat jaramsyz den tanylǵan. Ózge nysandarǵa kúrdeli jáne ortasha jóndeý jumystary bastaldy.
Búgin Atyraý oblysynyń ákimi Serik Shápkenov Qulsary qalasyndaǵy sý tasqynynan zardap shekken nysandardy qalypqa keltirý jumystaryn teserdi. Merdiger mekemelerge jumysty jedeldetýdi tapsyrdy.
«Qulsary qalasynda uzyndyǵy 12,1 shaqyrymdy quraıtyn 18 kóshe qaıta jańartylady. Qazir 6,8 shaqyrym jol jóndeldi. Jumystardy jyl sońynda aıaqtaý josparlanyp otyr», - dep habarlady ákimdiktiń baspasóz qyzmeti.
Sondaı-aq, №8 orta mektepke jáne «Órken» balabaqshasynda jóndeý jumystary bekitilgen kestege saı júrip jatyr. Bul nysandar qyrkúıekke deıin paıdalanýǵa beriledi.
Al, «Bolashaq» shaǵyn aýdanynda 100 turǵyn úıdiń qurylysy júrgizilip jatyr. Qazir 94 úıdiń qabyrǵasy qalanyp, 85-niń tóbe jabyndysy jabylǵan. Al, 60 úıge sylaq, 42 úıge árleý jumystary qolǵa alynǵan. Sondaı-aq, 62 úıge tereze ornatylǵan. Injenerlik-ınfraqurylym jelilerin júrgizý aıaqtalyp keledi.
«Qıyn kezeń artta qaldy. Bizdiń mindet – qalypqa keltirý jumystaryn ýaqytyly atqaryp, turǵyndardyń ómir súrý sapasyn jaqsartý úshin bar kúshti salý. Júz otbasy qonys toıyn jasaýdy asyǵa kútip otyr. Ýaqyt az, biraq, úısiz qalǵan turǵyndardyń jaǵdaıyn oılaǵanymyz jón. Sondyqtan, turǵyn úı qurylysyna baqylaýdy kúsheıtip, jumys qarqynyn jedeldetý qajet. Aldaǵy 1 qyrkúıekke deıin 80 úıdi, 5 qyrkúıekte 20 úıdi turǵyndar ıgiligine berýimiz kerek», - dedi Serik Shápkenov.
Ákimniń deregine súıensek, jańa jańa maýdanǵa tas jol tóseýdi keshiktirmeı bastaý qajet.
Sondaı-aq, Binom mektebi men oqýshylar saraıyn salýǵa daıyndyqdy jedeldetken jón.
Eske sala ketelik, budan buryn Qulsaryda sý tasqynynan zardap shekkender úshin jańa shaǵyn aýdan salynyp jatqanyn jazǵan bolatynbyz.
