Qulsaryda gaz-aýa qospasy jarylyp, 2 adam qaza tapty

ATYRAÝ. KAZINFORM — Atyraý oblysynyń Qulsary qalasynda 30 mamyrda saǵat 18:45 shamasynda gaz-aýa qospasy jaryldy. Jarylystan 14 adam zardap shekti. Onyń 2-eýi qaıtys boldy.

Atyraý oblystyq tótenshe jaǵdaılar departamentiniń málimetinshe, jarylys Qulsary qalasyndaǵy Mahambet kóshesinde bolǵan. 

Jarylystyń saldarynan jaqyn ornalasqan bir qabatty qurylys, gaz quıý stansasy men 2 qabatty ǵımarat órtengen. Aldyn ala málimetke sáıkes 14 adam zardap shekken. Onyń ishinde 2 adam qaıtys bolǵan. 

Qazir órtti sóndirý jalǵasyp jatyr. 

Eske sala keteıik, buǵan deıin Atyraý oblysyndaǵy atystan 3 adam jaraqat alyp, aýrýhanaǵa jetkizilgenin jazǵan bolatynbyz.