Qulsaryda burynǵy áıelin jumys ornynda óltirgen kúdikti ustaldy

ATYRAÝ. KAZINFORM — Atyraý oblysynda Jylyoı aýdanynyń turǵyny burynǵy áıelin jumys ornynda pyshaqtap, óltirip ketti. Kúdikti qamaýǵa alyndy.

Atyraý oblystyq polıtsııa departamentiniń baspasóz qyzmeti Jylyoı aýdandyq polıtsııa bóliminiń qyzmetkerleri adam óltirý baby boıynsha qylmystyq is qozǵaǵanyn rastady. Oqıǵa keshe, 27 naýryzda tús qaıta bolǵan.

— Qulsary qalasyndaǵy adam óltirý deregine baılanysty keshendi tergeý amaldary bastaldy. Qylmys jasaǵan 33 jastaǵy kúdikti ustalyp, qamaýǵa alyndy. Ózge aqparat tergeý múddesine sáıkes jarııalaýǵa jatpaıdy, — dep habarlady departamenttiń baspasóz qyzmeti.

Keıbir derekke qaraǵanda, kúdikti Shoqpartoǵaı aýylynda turǵan. Onyń burynǵy áıeli aýdandyq emhanada jumys istegen. Kúdikti emhanaǵa kelip, burynǵy áıelin pyshaqtaǵan. Er adam qashyp ketýge oqtalǵan.

Eske sala ketelik, buǵan deıin Atyraý oblysynda jol apatynan 3 adam mert bolǵanyn habarlaǵan edik.