Qulsaryda 2,5 myń ǵımarat sý astynda qaldy, myń bala evakýatsııalanǵan

ATYRAÝ. KAZINFFORM — Tótenshe jaǵdaılar mınıstrligi Atyraý oblysy Qulsary qalasyndaǵy sońǵy ahýaldy jarııalady. 

5 sáýir túngi 22.45-tegi jaǵdaı boıynsha Qulsaryda 2500-ge jýyq jeke turǵyn úı men ákimshilik ǵımaratty sý basqan.

Qutqarýshylar jáne ózge de tartylǵan kúsh-quraldar halyqty evakýatsııalaýdy jalǵastyryp jatyr. 

Osy saǵatta 4 myńnan astam adam, onyń ishinde 1 myńnan astam bala qaýipsiz jerge kóshirilgen.  

Eske sala ketelik, budan buryn tasqyn sýdyń qaýpine baılanysty Jylyoı aýdanynda tótenshe jaǵdaı jarııalandy.

Kúndiz Qulsarydan Dossorǵa deıingi joldyń bir bóligin sý basty.

Búgin tasqyn sý Qulsary qalasyna kire bastady.

Ákimdikti, áleýmettik nysandar men ortalyq stadıondy sý basty.