Qulsary turǵyndary laılanǵan aýyz sý úshin tarıftiń 50 paıyzyn ǵana tóleıdi
ATYRAÝ. KAZINFORM – Qulsary qalasynyń turǵyndary laılanǵan aýyz sý úshin tarıftiń 50 paıyzyn ǵana tóleıtin boldy.
«Jylyoısý» MKK dırektorynyń birinshi orynbasary Batyr Shákirulynyń aıtýynsha, Qulsary qalasy men Jańaqaraton kentinde aýyz sý laılanǵan.
«Osyǵan baılanysty «Jylyoısý» mekemesi 15 mamyrdan 1 maýsym aralyǵyndaǵy kezeń úshin sý aqysy eseptemeýge sheshim qabyldady. Mamyr aıynda jeke jáne zańdy tulǵalardyń tutynǵan sýy úshin tarıftyń tek 50 paıyz mólsherinde tólem esepteletin bolady», - dedi Batyr Shákiruly.
Al, Jylyoı aýdandyq kásipkerlik jáne aýyl sharýashylyǵy bóliminiń basshysy Nurtas Qýatbaevtyń pikirinshe, saýda oryndarynyń ıeleri qutydaǵy sý baǵasyn ósirmeýi qajet.
«Qazir Qulsary qalasynda aýyz sýdyń laılandy. Bul aýyz sapasyna áser etip otyr. Osy oraıda aýyz sýdy tasymaldaıtyn, fıltrli avtomattar arqyly tazalap jáne dúkenderde satýmen aınalysatyn kásipkerlerden baǵany kótermeı, turaqty ustaýyn suraımyn», - dedi Nurtas Qýatbaev.
Eske sala ketelik, budan buryn Serik Shápkenov Qulsary turǵyndary tutynatyn aýyz sý sapasyn jaqsartýdy tapsyrǵanyn habarlaǵanbyz.
