Qulsary kóshelerinen 5,6 mln tekshe metrden astam sý shyǵaryldy

ATYRAÝ. KAZINFORM — Qazirgi ýaqytta Qulsary qalasynyń Bolashaq shaǵynaýdanynda ornalasqan 14 úı sý astynda qalyp otyr. Bul týraly TJ jónindegi jedel shtab málimdedi.

Sońǵy resmı derekter boıynsha, Jylyoı aýdanynda sý tasqyny kezinde 282 shaǵyn jáne orta bıznes sýbektisi zardap shekti. Bıznes nysandaryn sý tasqynynan qorǵaý maqsatynda uzyndyǵy 3,4 km qorǵanys bógeti salyndy.

«Qazirgi ýaqytta Qulsary kóshelerinen 5,6 mln tekshe metr sý shyǵaryldy. Qazirgi ýaqytta biz Vahtovyı shaǵynaýdanyna qarama — qarsy aınalma jol aýdanynda ornalasqan kásipkerlik qyzmet aýmaǵyn qurǵatyp jatyrmyz», — dedi Jumabek Qarajanov.