Qulsary qalasynda 100-den astam úı áli de sý ortasynda tur

ATYRAÝ. KAZINFORM – Atyraý oblysynyń Qulsary qalasynda 100-den astam úı men 10 kásipkerlik nysany áli de sý ortasynda tur. 

Tótenshe jaǵdaılar mınıstrligi baspasóz qyzmetiniń málimetine súıensek, qutqarýshylar toby 2 815 úıden sý buryp, sorý jumystaryn júrgizgen.

«Óńirdegi evakýatsııalyq pýnktterinde 769 adam bar. Olardyń 430-y – balalar. Atyraý oblysynyń Qulsary qalasynda ekinshi táýlik boıy Tótenshe jaǵdaılar mınıstrliginiń aqtóbelik áskerı qyzmetshileri qoǵamdyq paıdalaný oryndaryn dezınfektsııalaý jumystaryn júrgizýde. Aýrý týdyratyn mıkroorganızmder men olardyń toksınderiniń taralýyn boldyrmaý úshin 20982 áskerı bóliminiń radıatsııalyq, hımııalyq, bıologııalyq qorǵaý rotasynyń jıyntyq qutqarý toby jumys istep júr», - dep habarlady mınıstrliktiń baspasóz qyzmeti.

Atyraý oblysynda sý basý qaýpine baılanysty 7 sáýirde tabıǵı sıpattaǵy tótenshe jaǵdaı engizilgen. Bul áli rejım áli de saqtalyp otyr. 

Eske sala ketelik, budan buryn Qulsary qalasynan bir kúnde 975 tonna qoqys qaldyǵy shyǵarylǵanyn jazǵan bolatynbyz. 

Sondaı-aq Serik Shápkenov Qulsarydaǵy sý basqan úılerdi baǵalaýdy eki aptada aıaqtaýdy tapsyrdy.