Qulsary qalasynan bir kúnde 975 tonna qoqys qaldyǵy shyǵaryldy
ATYRAÝ. KAZINFORM – Jem ózeniniń tasqyn sýy basqan Qulsary qalasynan bir kúnde 975 tonna qoqys qaldyǵy shyǵaryldy.
Qazir Jylyoı aýdanynyń ortalyǵy – Qulsary qalasynda tasqyn sýdyń zardabyn joıý, qalpyna keltirý jumystary jalǵasyp jatyr.
Al, «Jylyoı Tazalyq» JShS-niń dırektory Baýyrjan Abdrahmanovtyń aıtýynsha, qala kóshelerinen turmystyq jáne ózge de qaldyqtardy jınalyp, arnaıy orynǵa tasymaldaý qolǵa alynǵan. Bul maqsatqa arnaıy tehnıkalar bólingen.
«Qulsary qalasynda tasqyn sýdan búlingen úı az emes. Ózge nysandar da bar. Sonyń bárinen kún saıyn shyǵarylyp jatqan qoqys kóp. Turǵyndar tasqyn sýdyń saldarynan búlingen turmystyq buıymdaryn, jıhazdaryn qoqysqa tastap jatyr. Munyń bári arnaıy kólikpen qoqys polıgonyna tasymaldanýda. Arnaıy tehnıkalar bir kúnde 48 reıs jasap, 975 tonna qoqysty polıgonǵa jetkizdi», deıdi Baýyrjan Abdrahmanov.
Eske sala ketelik, buǵan deıin Qulsaryda tasqyn sý basqan 867 úıge tehnıkalyq tekserý júrgizilgenin jazǵan edik.
