Jyloıǵa 203 tonna gýmanıtarlyq kómek kórsetildi
ASTANA. KAZINFORM – Jyloı aýdanyna sý tasqyny oryn alǵannan beri 203 tonna gýmanıtarlyq kómek kórsetildi. Bul týraly Atyraý oblystyq tótenshe jaǵdaılardy joıý basqarmasynyń bastyǵy, azamattyq qorǵaý maıory Jantóre Demeshov aıtty.
«Qazirgi tańda Jyloı aýdanynyń Qulsary qalasynda 2 680 nysandy sý basty. Sonymen qatar tolyq aqparat sý deńgeıi túskennen keıin anyqtalady. ıAǵnı, arnaýly komıssııa qurylyp, solarmen birge nysandardy aralaımyz. Qulsary qalasynda 231 tehnıka, 1 198 jeke quram jáne 18 júzý quraly men 19 sý sorý quraly jumyldyrylǵan. TJM kúshteriniń arqasynda dambalar soǵý, bógetterdi kóterý, qaptarǵa topyraq toltyryp tóseý jumystary júrgizilip jatyr. Sonyń arqasynda Qulsarydaǵy 7-yqshamaýdandaǵy 502 turǵyn úı men 7 ákimshilik ǵımarat, 6 bilim berý nysany, 1 jeke emhana, 25 kásipkerlik nysanyn sý basýǵa jol berilmedi», - dedi ol Ortalyq kommýnıkatsııalar qyzmetindegi brıfıngte.
Qulsary qalasynan 33 641 adam kóshirildi. Onyń ishinde Mańǵystaý oblysyna 20 821 adam, teńiz vahtashylar qalashyǵyna 7 445 adam, sonymen qatar Atyraý qalasy men basqa aýdandarǵa 2 743 adam jetkizilgen. Qulsary qalasynda ashylǵan ýaqytqa ornalastyrý pýnktterinde 274 adam ornalastyrylǵan.
«Jyloı aýdanyna sý tasqyny oryn alǵannan beri 203 tonna gýmanıtarlyq kómek kórsetildi. Jumys ary qaraı jalǵasady. Sý deńgeıi tolyq túsip, qala burynǵy tynys-tirshligine ornalǵanǵa deıin apattyq qutqarý jumystary jalǵasady», - dedi Jantóre Demeshov.
