Qulsary: Bolashaq aýdany turǵyndaryna qaýipsiz aýmaqtan jer berý usynyldy
ASTANA. KAZINFORM - Bolashaq yqshamaýdany turǵyndaryna Qulsarynyń qaýipsiz aımaǵynda jer telimderin berý usynyldy, dep habarlaıdy Atyraý oblysynyń TJ jónindegi jedel shtabynyń baspasóz qyzmeti.
"Bolashaq" shaǵynaýdanynda ornalasqan 14-ke jýyq úı bir aıdan astam ýaqyt sý astynda qalyp otyr.
Jylyoı aýdany ákiminiń aıtýynsha, shaǵyn aýdannyń 14-ke jýyq úıi oıpatta ornalasqan. Sondyqtan sýdan qurǵatý jumystarynyń qarqyndy júrgizilip jatqanyna qaramastan, atalǵan aýmaqtan sý óte baıaý ketip jatyr.
Osyǵan baılanysty Jylyoı aýdanynyń ákimi Jumabek Qarajanov atalǵan yqshamaýdannyń sý basqan úıleriniń turǵyndaryna Qulsarynyń bıik jerinen jańa úıler salýǵa jáne jer ýchaskelerin bólýdi usyndy.
⁃ Men turǵyndarǵa tasqyn sýdy kanalǵa jiberýdiń ornyna, Qulsary qalasynyń qaýipsiz bóliginde jer telimderin bólýdi usynyp otyrmyn. Buǵan deıin bizde bolýy múmkin barlyq shyǵyndardy esepteımiz. Turǵyndar mundaı usynysqa qarsy emes. Endi biz qajetti qujattar men aktilerdi daıyndaımyz. Turǵyndar qalanyń qaýipsiz bóliginde jer ýchaskelerin berýge kelisken jaǵdaıda, baǵalaý kompanııasyn shaqyryp, osy baǵytta jumysty bastaımyz, - dedi Jumabek Qarajanov.
Eske sala ketelik, Qulsary qalasynda sý tasqynynan zardap shekken 200-den astam úıdiń zalalyn baǵalaý nátıjeleri daıyndalyp, tanystyryldy. Jaqyn arada Jylyoı aýdanynyń ákimdigimen memorandým jasasqan turǵyndarǵa ótemaqy tóleý bastalady.
