Qulpynaıdyń adam densaýlyǵyna paıdasy mol

1. Qulpynaı júrek-qan tamyrlary aýrýlarynyń aldyn alady

Búgingi tańda búkil álem boıynsha júrek-qan tamyrlary aýrýlarynan qaıtys bolyp jatqan adamdar sany kún sanap kóbeıip keledi. Eger bul jemisti ózińizdiń as mázirińizge qosatyn bolsańyz, atalǵan aýrýdyń aldyn alýǵa bolady. Óıtkeni, onyń quramynda holesterın deńgeıin tómendetetin ellagovalyq qyshqyl bar. Sonymen qatar, qulpynaıdaǵy S dárýmeni qan tamyrlaryn qalypty deńgeıde ustaıdy.

2. Qulpynaı jemisi bettegi pıgmenttik daqtardy ketiredi
Eger terińizdi aǵartyp, sekpilder men pıgmenttik daqtardan qutylǵyńyz kelse, betińizge qulpynaıdan maska jasańyz. Alaıda áýeli bilegińizge jasap kórińiz. Eger bári jaqsy bolsa, betińizge paıdalanyp kórýge bolady. Mundaı maskany aptasyna 1-2 ret jasap turǵan durys.

3. Qulpynaıdan jasalǵan maska bezeý men qabynýǵa qarsy kómektesedi
Eger terińizge túrli bórtpeler shyǵyp mazalaıtyn bolsa, onda oılanbastan qulpynaıdyń túıininen maska daıyndańyz. Sebebi, onyń quramynda teri aýrýlarymen belsendi kúresetin antıoksıdanttar bar.

4. Bul jemis kárilikten de saqtaıdy
Qulpynaıdaǵy antıoksıdanttar kárilikpen kúresedi. Ol úshin túski tamaqtan soń 40 mınýttan keıin qulpynaı jeý qajet.
5. Qulpynaı tisińizdi aǵartady
Qulpynaıdyń quramyndaǵy S dárýmeni tisti sarǵaıýdan qutqarady.
6. Kózdiń kórýin jaqsartady
Jyl óte kele kózińizdiń kórýi de nasharlaı túsetini anyq. Qulpynaı quramyndaǵy S dárýmeni, organıkalyq qyshqyldar, flavonoıdter kóz aýrýlarynyń aldyn alady.

massaget.kz saıtynan alyndy.