Qulpynaı qan qysymyn tómendetedi
ASTANA. QazAqparat - Qulpynaı qan qysymyn tómendetedi. Bundaı pikirdi Florıda memlekettik ýnıversıtetiniń ǵalymdary aıtýda.
The Daily Mail habarlaǵandaı, mamandar qan qysymy ortasha nemese joǵary bolyp keletin 60 áıelge zertteý júrgizgen. Tájirıbege qatysýshylar 2 topqa bólingen. Birinshi top kúndelikti qulpynaı jep tursa, ekinshi topqa platsebo berilgen. Tájirıbe 8 apta boıy júrgizilgen. Nátıjesinde kúndelikti qulpynaı jep otyrǵan toptyń kelesi topqa qaraǵanda qan qysymy turaqtala bastaǵan. Mamandardyń aıtýynsha, qulpynaıdyń quramynda kezdesetin antıoksıdant jasýshanyń ishki qabatyn bosańsytady, al bul qan qysymynyń tómendeýine alyp keledi.
