Kúlli musylman úmbetiniń ulyq merekesi — Oraza aıt bastaldy

ASTANA. KAZINFORM — Búgin jer betindegi barlyq musylman qaýymy úshin eń qasıetti sanalatyn eki ulyq merekeniń biri — Oraza aıt meıramy. Mereke úsh kúnge sozylady.

Ораза айт басталды, мұсылман
Фото: Мақсат Шағырбай/Kazinform

«Aıt» sózi — «merekeleý», «hal surasý», «bir-birin qýantý», «qýanyshqa toptalý» degen maǵynalardy bildiredi. Jaratýshy Iemiz árbir izgi amal men ıgilikti istiń saýabyn berip, meıirim-shapaǵatyn tógedi.

Aıttyń alǵashqy kúni Allanyń razylyǵy úshin bir aı boıy aýyz bekitip, musylmandyqtyń bes paryzynyń biri sanalatyn Orazanyń sharttaryn oryndaǵan jandar aýyzdaryn ashady.

din
Foto: Mýhtor Holdorbekov/Kazinform

Musylmandar Orazamen qımaı qoshtasyp, Alla Taǵalaǵa qasıetti Ramazan aıyna amandyqta-saýlyqta jetkizgenine sheksiz alǵys aıtyp, kelesi Ramazan aıyna da esendikte jetýlerin tilep, minájat etedi.

Hadıs-sharıfte aıtylǵandaı, Alla taǵala: «Pendelerim, men paryz etken orazany atqaryp, aqysyn alýǵa (aıt namazyn óteýge) meshitke bet aldy. Olar men úshin oraza ustady, meniń pármenimmen aýyz ashty, endi qýanyshqa kenelsin…» — deıdi.

Oraza aıt — otbasylyq mereke. Meıram kúni ata-anamyzǵa, kishkentaı búldirshinderge, aǵaıyn-týystarǵa syılyq úlestirip, olardy qýanyshqa bóleý — merekeniń sánin arttyra túsetin ıgi is. Jabyrqaǵan jandy demep, qarııalardy qýanyshqa bólep, kómekke muqtaj adamnyń alǵysy men batasyn alý — ol da saýapty amaldyń biri.

 Baýyrsaq shaı Chaı baýrsakı
Foto: Maqsat Shaǵyrbaı/Kazinform

Oraza aıt kúnderi árbir musylmannyń shańyraǵynda shelpek, baýyrsaq pisirilip, ár úıde ádettegiden sáni de, saltanaty da erekshe merekelik dastarqan jaıylyp, qonaqtar shaqyrylady. Sonymen qatar jaǵdaıy tómen adamdarǵa járdem kórsetilip, olar da meıramnan tys qaldyrylmaıdy. Bul kúnderi týǵan-týystar bir jerge jınalyp nemese zırat basyna baryp ómirden ozǵan jaqyndarynyń árýaǵyna baǵyshtap quran oqıdy.

Qasıetti Ramazan aıynan keıin keletin osy ulyq merekeni álemdegi jalpy búkil musylman aıryqsha qýanyshpen, zor yqylaspen atap ótedi. Óıtkeni Ramazan — bereke men birlik, beıbitshilik, ıgilik, keshirim, meıirim jáne qaıyrymdylyqtyń aıy bolsa, úsh kún boıy atalyp ótiletin Oraza aıt adamdardyń jan dúnıesin, sana-sezimin, kóńilin qýanyshqa bóleıtin, kirbińnen tazalaıtyn ulyq mereke bolyp sanalady.

Arada qanshama ǵasyr ótse de, bul ulyq meıramnyń mán-mańyzy kemimeı, kerisinshe jyl ótken saıyn artyp keledi. Bul meıramnyń ádettegilerden negizgi erekshelikteri — adamdardy baýyrmaldylyqqa, kishipeıildilikke, keshirimdilikke, súıispenshilikke shaqyrady. Musylmandar qudireti kúshti Alla Taǵalanyń adam balasyna bergen nyǵmetterine táýbe aıtyp, shúkirshilik jasaýǵa úndeıdi.

meshit, ıslam, din
Foto: Maqsat Shaǵyrbaı/Kazinform

Qazaqstan musylmandary dinı basqarmasy osy kúni oqylatyn Oraza aıt namazynyń elimiz boıynsha ázirlengen kestesin jarııalaǵan bolatyn. 

Сейчас читают